«ЭЛЕКТРОН ПОЛИКЛИНИКА»: янгича мазмун ва кўринишда

Ўзбекистон Республикаси Президентининг 2017 йил 7- февралдаги ПФ- 4947 сонли «Ўзбекистон Республикасини янада ривожлантириш бўйича Ҳаракатлар стратегияси тўғрисида»ги фармонида тасдиқланган Давлат дастуридаги илованинг 39 — банди, Соғлиқни сақлаш вазирлигининг 2017 йил 13 февралдаги 57 — сонли буйруғи ижросини таъминлаш мақсадида Соғлиқни сақлаш соҳасининг миллий интеграциялаштирилган ахборот тизимидаги «Соғлиқни сақлаш» ахборот тизимлари комплексининг, Ўзбекистон Республикаси фуқароларининг ягона электрон тиббий картасини яратиш ишлари якунига етди.

Натижада, электрон Соғлиқни сақлашни ривожлантириш «UzMedInfо» маркази томонидан синовдан ўтган интернет глобал тармоғи воситаси билан электрон регистратурага ва шифокор қабулига ёзилишга эга бўлган «Электрон поликлиника»ААТ ихтисослаштирилган ва автоматлаштирилган ахборот тизими ишлаб чиқилди.

Жорий йилнинг сентябр ойидан бирламчи тиббий — санитария ёрдами муассасаларида интернет глобал тармоғи воситаси билан электрон регистратурага ва шифокор қабулига ёзилишга эга бўлган «Электрон поликлиника» ААТ ишга туширилиши режалаштирилган.

Ана шу муносабат билан Фарғона вилояти соғлиқни сақлаш бошқармасининг 2017 йил 21 августдаги 147-сонли буйруғи қабул қилинди. Унга кўра шаҳар ва туманлар тиббиёт бирлашмаларига жорий йилнинг 8-сентябригача рўйхатга олишдаги тиббий ходимларнинг ва беморлар билан ишлайдиган шифокорларнинг иш жойларини компютер жиҳозлари ҳамда принтерлар билан таъ-минлаш, уларни локал- ҳисоблаш тармоқларини яратиш, навбатни бош-қариш тизимидан беморларга хабар бериш мақсадида ахборот панелларини (телевизорлар) сотиб олиш ва ўрнатиш, соғлиқни сақлаш вазирлиги корпоратив тармоғига улаш вазифалари юклатилди.

Шунингдек, 2018 йил 1 январдан бошлаб, барча бирламчи тиббий — санитария ёрдами муассасаларида интернет глобал тармоқ воситаси билан электрон регистратурага ва шифокор қабулига ёзилишга эга бўлган «Электрон поликлиника» ААТ орқали беморларнинг тиббий ёзувларини қоғозсиз олиб бориш йўлидан фойдаланилади.

Ҳ.Абдужабборов

Дўстларингизга улашинг: