Айрим тоифадаги фуқаролар учун хусусий клиникалар бепул хизматлар кўрсатишади

 Ягона давлат порталида Соғлиқни сақлаш вазирлиги ва Молия вазирлигининг “Хусусий тиббиёт ташкилотлари томонидан солиқ имтиёзларини тақдим этиш натижада бўшатиладиган маблағлар ҳисобига аҳолининг ижтимоий ҳимояга муҳтож қатламларига бепул тиббий хизматларни кўрсатиш тартиби ҳақидаги Қоидани тасдиқлаш тўғрисида”ги қарор лойиҳаси муҳокама этилмоқда.

Хусусий ( стоматология ва косметологиядан ташқари) клиникаларда бепул тиббий ёрдам олиш ҳуқуқига қўйидагилар эга:
1. Ёшлигидан ногиронлар;
2. Чин етимлар;
3. 1 ва 11 гуруҳ ногиронлари;
4. 1941-1945 й.й. уруш ногиронлари ва қатнашчилари ва уларга тенглаштирилган шахслар;
5. Нафақага чиққан ва меҳнат фаолиятини олиб бормаётган шахслар;
6. 1941-1945 й.й. уруш даврида меҳнат фронти қатнашчилари;
7. Чернорбиль АЭС фалокатини тугатишда қатнашган шахслардан ногиронлар;
8. Байналмилалчи-жангчилар;
9. Фуқаролар ўзини ўзи бошқариш органларидан моддий ёрдам оладиган кам таъминланган оилалардан шахслар.
Шу билан бирга лойиҳада хусусий клиникалар манфаатлари ҳам инобатга олинган.
Бепул кўрсатиладиган тиббий хизматлар тури ва ҳажмлари хусусий тиббиёт ташкилотлари томонидан , лицензияда кўрсатилган мутахассислик доирасида, ташҳис ва даволаш имкониятларидан келиб чиқиб мустақил белгиланади. Шунингдек, солиқ имтиёзлари тақдим этилиши муносабати билан ўтган ҳисобот даврида бўшатилган маблағлар ҳажмидан 25 % дан кам бўлмаслиги учун чеклашни қўллаш таклиф қилинади., бунда аниқ хусусий тиббий муассасада кўрсатиладиган тиббий хизматлар учун ўртача нархларнинг ҳисоби олинади.

Манба: ut.uz

 

Дўстларингизга улашинг: