Қин озодалиги зарурми?

Аёллар жинсий аъзолари идеал баланслашган тизим бўлиб, кўпчилик унинг тозалигига ортиқча қайғуриб юборади. Бу эса кўпинча яхши натижага олиб келмайди.

Фото: serpadres.es

Инсон организмидаги энг ифлос, инфекция билан тўлиб тошган жой бу – унинг оғзидир. Лекин аёллар доимо қинни ювишга ҳаракат қилишади. Қуйида нега қинни “тинч қўйиш керак”лиги тўғрисида гаплашамиз.
Қин – идеал баланслашган тизим. Британиялак гинеколог Остин Угвумаду “Организмнинг бу қисми миллионлаб йиллар давомида юқори самарали ўз-ўзини тозалашга эришган” деб бежиз айтмаган. Қиндаги кислотали мухит бактерияларни ўлдиради. Қинни кўп ювиш унинг муҳитини ўзгаришига (pH), фойдали микроорганизмларнинг ўлиб кетишига олиб келади. Қин муҳити кислотали бўлиб, pH 3.8 дан 4.4 гача бўлади. Интим гигиена маҳсулотлари қин муҳитини нейтрал ёки жуда кислотали қилади. Кислотали муҳитни кучайтирадиган геллар вактериал вагиноз касаллиги рецидивларини (қайталашлари) сезиларли камайтиради. Лекин соғлом қин учун бу восита шарт эмас. Нейтрал муҳитли геллар эса фойда ҳам, зарар ҳам келтирмайди.

Ювиш (спринцевание). Айрим гинекологлар қинни вақти-вақти билан хлоргексидин воситасида ювишни тавсия этишади. Бу фойдадан кўра кўпроқ зарар келтиради. Бунда қин учун фойдали лактобациллалар ўлиб кетади. Бу эса қин муҳитини ўзгартиради. Айрим ювиш воситалари эса ўзида ароматизаторлар ва қўшимча моддалар сақлайди. Бу эса аллергик реакция келтириб чиқариши мумкин. Қин ўзини ўзи тозалайди. Уни сув, сирка кислотаси ёки бошқа эритмалар билан ювиш зарурати йўқ. Қин ажралмалари эса доим ҳам унинг тоза эмаслигини билдирмайди.

Вулвани ювиш керак, лекин тўғри усулда. Бунда ювиш олдиндан орқага бўлади. Ташқи жинсий лаблар бурмаларида тер безлари, ёғ безлари ажралмалари, бактериялар тўпланиши мумкин. Шу сабабли ювиб туриш керак. Кўп ювиш унинг териси бутунлиги бузилишига, инфекция тушишига олиб келади. Шу сабабли озгина совун билан ёки тоза сув билан ювиш керак. Ювишдан сўнг глицерин, шафтоли мойи суртиш ҳам фойдали.

Ширин ҳидли шамчалар тўлдирилган иссиқ сувли ванна зўр бўшаштирувчи даводир. Агар шу сувга яна ароматланган “бомбачалар” қўшишни истасангиз, бу қин учун яхши эмас. Бу ҳам қининг муҳитини бузади, инфекцияларнинг тез юқишига олиб келади.

Қиндан ҳид келиши ҳам унинг тоза эмаслигини билдирмайди. Ҳар бир аёлнинг ўзигагина ҳос ҳиди бўлиб, у ҳайз цикли давомида ўзгариши мумкин. Буни парфюмерия билан йўқотиш тўғри қарор эмас. Ўзингиз учун ҳос ҳид ўзгарсагина иккиланиш учун сабаб бор бўлади. Бунда врачингизга учрашингизни маслаҳат бераман.
Ҳайз вақтида ҳам ароматли тагликлардан фойдаланманг. Бу биринчидан қин муҳитини бузса, иккинчидан аллергик реакция келтириб чиқариши мумкин.

Сифатли ва қулай ички кийимлар ҳам алоҳида ўрин тутади. Экспертлар пахтадан тайёрланган ички кийимларни тавсия этишади. Шунингдек кийим ўта тор бўлмаслиги керак. Жинсий аъзоларга етарли ҳаво келмаслиги унда замбуруғлар ривожланишига олиб келади.

Ташқи жинсий аъзолар терисини доим рак касаллиги бор йўқлигига текшириб туриш керак. Бу ерда янги хол, доғ кабилар пайдо бўлганида мутаҳассисга учрашиш зарур.

Хуршидбек Якубжонов,

шифокор

Дўстларингизга улашинг:

Бошқа хабарлар

Қандли диабет ҳақида нималарни билиш керак?
Фото: fsh.uz Қандли диабет- эндокрин касалликлар қаторига мансуб бўлиб, инсулин гормонининг тўлиқ ёки қисман етишмовчилиги натижасида  гипергликемия - қондаги глюкоза миқдорининг давомли ортиб бориши билан кечувчи, организмдаги ...
Сиз ҳар куни тўғри овқатланяпман деб ўйлаяпсизми?
Cиз ҳар куни эрталабки нонуштада нималар истеъмол қиласиз? Ширин чой, сариёғ ва қовурилган тухум дастурхонингиздан ўрин олган, шундайми? Тушликда-чи? Албатта қуюқ таомлардан тановул қиласиз. Кечки нонуштада ҳам оила даврасида ёғлиққина ...
Растаропша — танангизни хасталикдан ҳимоялайди
Растаропшанинг дориворлик хусусиятларини ўрганиш 2000 йиллик тарихга эга. Биринчи марта I-асрда рим врачи, табибшунос Диоскорид Педанийнинг «Доривор воситалар ҳақида»ги илмий асарида растаропшанинг дориворлик хусусиятлари қайд этилган.
Грипп касаллигини оёқда ўтказманг, унинг асоратлари ҳаёт учун хавфли
Грипп – энг тез тарқаладиган ўткир юқумли касаллик бўлиб, дунёнинг деярли барча мамлакатларида учрайди.
ДСЭНМ мутахассислари: уй шароитида консерва маҳсулотини тайёрламасликни тавсия қиламиз
Барчага, маълумки ёз мавсумида уй бекалари томонидан сабзавот маҳсулотларидан консерва тайёрлаш одат тусига кирган. Аслида бу тайёрланаётган консерва маҳсулоти истеъмол учун яроқлими деган савол бизни қизиқтиради. Йўқ албатта чунки, “Ботулизм” ...
Соғлом турмуш тарзини қандай ташкил қилиш керак?
Соғлом турмуш тарзи, инсоннинг узоқ умр кўриши, соғлом бўлиши, фарзандларнинг камолини кўришида муҳим аҳамиятга эга. Соғлом турмуш тарзи деганда нималарни тушунамиз?
Тўмариснинг жажжигина юрагига амалга оширилган операция 7,5 соат давом этди
Ўша вақтда у ҳали 2 ойлик чақалоқ эди. Фото: “Sen Yolg'iz Emassan” Фонди Операцияни “Sen Yolg’iz Emassan” Фонди таклифи билан Тошкентга ташриф буюрган машҳур француз кардиожарроҳи Оливье Барон ...
Йўталиш қайси касалликлар белгиси?
Жияним қаттиқ шамоллаш натижасида анчадан буён йўталиб юрибди. Муолажалар унчалик кор қилмаяпти. Йўталиш қайси касалликларнинг белгиси ва қандай даволанади? Саида Йўлдошбекова, Чилонзор тумани. Давомийлигига кўра йўтални 3 тури тафовутланади: домий йўтал, ўқтин-ўқтин ...
Инсоннинг бош ва бўйин соҳасида мураккаб аъзони тиклаш амалиёти қандай якун топди?
Сўнгги йилларда мамлакатимизда тиббиёт соҳасида қатор янгиликлар рўй беряпти. Тиббиёт ходимларининг изланишлари сабаб бугунги кунда инсон саломатлигини сақлаш ва даволашда ўзига хос ютуқларга эришилмоқда. Журналист Шуҳрат Исломов ана шундай изланувчан ...
ОИВ инфекцияли беморлар қандай овқатланиши керак?
ОИВ инфекцияли беморларни тўғри овқатланиши, уларнинг иммун тизимини тиклашга ёрдам беради. Бу инсонлар учун кўп миқдорда овқатланиш ўз ҳаёти учун зарур.
Бачадон миомаси: касалликнинг сабаби бугунгача нега тўлиқ ўрганилмаган?
Бачадон миомаси – бачадон мушак ва бириктирувчи тўқимасидан ўсадиган яхши сифатли ҳосиладир. Касаллик нисбатан кўп учрайди. 30 ёшга етган аёлларнинг тахминан 20% қисмида аниқланади. Фото: WomenFirst Касалликнинг сабаби ...
Поллиноз асорати оғир дард
Фасллар келинчаги баҳорни ким севмайди дейсиз. Борлиқ яшил рангга бурканади. Айниқса, дарахтлар, ям-яшил ўсимликлар, ранг-баранг гуллар – бутун оламга ўз чиройини кўз-кўз қилади ва бизни сеҳрлаб қўяди. Тўйиб-тўйиб кўклам тафтини, ...
Акромегалия ва гигантизм қандай касаллик?
Акромегалия (лотинча acrоss-катта, megalоs-қўл ва оёқ) ва гигантизм (лотинчада -улкан ёки катта) -бу гипофиз бези функциясининг ошиб кетиши натижасида юзага чиқадиган эндокрин касалликлар бўлиб, ўсиш гормонининг организмда кескин ошиб кетиши ...
Нима сабабдан 40 ёшдан кейин кўриш ўткирлиги пасаяди?
Фото: "АиФ" 40 ёшдан кейин кўриш ўткирлиги қандай ўзгаради? Ёш ўтган сари кўпчилик инсонларнинг кўрув тизимида жиддий ўзгаришлар бўлади. Яъни инсон узоқ масофадаги буюмларни кўриши сақлансада, яқин масофадаги ...
ОГОҲ БЎЛИНГ! Ўткир юқумли ичак касаллиги билан оғриган бемор даволаш учун 1 млн. сўм маблағ сарфлайди
Мавсум касалликларидан сақланинг! Ўткир юқумли ичак касалликларини турли хил микроорганизмлар келтириб чиқаради. Ушбу микроорганизмлар иссиқ шароитда тез кўпаяди ва шу сабабли касаллик асосан ёз ва куз мавсумларида кўпроқ учрайди. [caption id="attachment_3302" align="aligncenter" ...