Коронавирусга даво топилди(ми?)

Хитойлик тиббиётчилар 2019-nCoV коронавируси билан чақирилувчи янги типдаги зотилжамни экстракорпорал оксигенация, яъни қонни кислород билан тўйинтириш йўли билан муваффақиятли даволаш усулини ишлаб чиқишди. 

Таъкидланишича, Ухань университети госпиталида янги типдаги зотилжамга чалинган 53 ёшли оғир касал экстракорпорал мембранали оксигенация ёрдамида муваффақиятли даволанган.

Эркак бемор 1 январда ўзини ёмон ҳис қилгач, иситма билан шифокорларга мурожаат қилган. Унинг тана ҳарорати бир неча кун давомида 39 даража атрофида сақланиб турган, унга қўлланган даволашнинг анъанавий усуллари эса натижа бермаган. Беморнинг ўпкаси вирусдан жиддий зарарлангани сабабли шифокорлар уни экстракорпорал мембранали оксигенация аппаратига улашга қарор қилишган. Шундан кейин эркакнинг аҳволи секин-аста барқарорлашиб, у соғая бошлаган.

Шифокорларнинг таъкидлашича, агар такрорий лаборатория таҳлили беморнинг қонида коронавирус йўқлигини тасдиқласа, у ҳолда унга жавоб берилади.

Янгиликларни Телеграм каналимизда кузатиб боринг: @fargonashifokori

Дўстларингизга улашинг