КОРОНАВИРУС: у қандай касаллик, уни юқтириб олмаслик учун нима қилиш керак? ⠀

2019 йилнинг декабрь ойида Хитойда аввал маълум бўлмаган коронавирус тури аниқланди. Касаллик ўлимгача олиб борадиган юқумли зотилжам ривожланишига олиб келади.

Фото: 24 Канал

Вирус ҳозиргача кам ўрганилган. Биринчи бўлиб касаллик Хитойдаги Ухан денгиз маҳсулотлари ва ҳайвонларининг улгуржи бозорида аниқланди, ҳозирги кунда эса касаллик нафақат Хитойнинг бошқа шаҳарларида, балки АҚШда ҳам кузатилмоқда.

Коронавируслар — 38 турни ўз ичига олган вируслар оиласидир. Улардан фақат олтитасигина одамга юқиши мумкин эди, янги касаллик вируси эса еттинчисига айланди.

Тадқиқотчиларнинг фикрига кўра, вирус ҳайвонлардан тарқалган, эндиликда эса одамдан одамга ҳам юқмоқда. Аломатлар орасида йўтал ва нафас олишнинг қийинлашиши ҳам бор.

Вирус юқтириш хавфини камайтириш учун қуйидагиларга амал қилиш керак:

  • қўлларни совунлаб ювиш ёки спирт билан артиш;
  • йўталганда ёки аксирганда оғиз ва бурунни ёпиш;
  • тумов ёки грипп аломатлари бор инсонлар билан ҳимоясиз яқин алоқада бўлмаслик;
  • иситма, йўтал ва нафас олиш қийинлашиши пайдо бўлиши билан шифокорга мурожаат қилиш;
  • жониворлар сотиладиган бозорларга борилган тақдирда, ҳимояланмасдан туриб ҳайвонларни ушлаш ёки ҳайвонлар тегиши мумкин бўлган жойларга тегишдан сақланиш;
  • овқатни, айниқса гўшт маҳсулотларини яхшилаб пишириш.

Ўзингизни ва саломатлигингизни асранг!

Дўстларингизга улашинг: