Алкоголнинг озгинаси зарар эмас, иштаҳа очгани бўлаверади. Аслида шундайми?

Спиртли ичимликлар қанчалик кўп ичилса инсульт ва инфаркт ҳавфи шунчалик ошиб бораверади. Бу ҳақиқат. Лекин баъзилар кам миқдордаги алкогол нафақат зарар, балки ишемик инсультни олдини олади, деб ҳам ҳисоблашади.

У ҳолда алкоголнинг зарари тегмайдиган дозаси қанча? Ҳеч қанча! Алкоголнинг зарари тегмайдиган дозаси йўқ, бир томчиси ҳам зарар.

Хитойда ўтказилган, 500 000 нафар киши иштирок этган текширувда алкоголнинг қон томирларга бўлган таъсири текширилди. Унда кам миқдорда ичадиган кишиларда инсульт ҳавфи ичмайдиган кишиларга нисбатан 10-15% га кўпроқ учраши аниқланди. Алкоголнинг миқдори ортиб бориши ҳавфни 35% гача оширади.

Алкоголни кам ёки етарли миқдори деб кунига 1 порциядан (10-20 мл тоза спирт) ортиқ бўлмаган миқдори айтилади. Бу 350 мл пиво, 150 мл вино, 40-50 мл коняк, ароқ, виски каби ичимликларга тўғри келади.

БЖССТ маълумотларига кўра ер юзи аҳолисининг 2.3 млрд нафари спиртли ичимликлар ичишади. Кунлик ўртача истеъмол киши бошига 33 мл тоза спиртга (ўртача миқдордан 2 баробар ортиқ) тўғри келади.

Юқорида ўтказилган тажриба хулосасига кўра алкоголнинг ҳар қандай миқдори зарарлидир.

Хуршидбек Якубжонов,

шифокор

Бошқа тезкор хабарларни Телеграм каналимизда кузатиб боринг: @fargonashifokori

Дўстларингизга улашинг