Алишер Шодмонов янги йилни бемор болалар ҳолидан хабар олишдан бошлади

Соғлиқни сақлаш вазири Алишер Шодмонов бугун, 2020 йил 3 январь куни туғма юрак нуқсони ҳамда онкологик касалликлар туфайли даволанаётган бемор болалар ҳолидан хабар олди. Биринчи манзил пойтахтимиздаги Академик В.Воҳидов номли республика ихтисослаштирилган хирургия илмий-амалий тиббиёт маркази кардиохирургия бўлими бўлди.

Жаҳон соғлиқни сақлаш ташкилотининг маълумотига кўра, ҳар йили ҳар юз минг чақалоқдан олти – ўн нафари туғма юрак нуқсони билан дунёга келади. Бугунги кунда мамлакатимизда ҳам ўн минг нафардан кўпроқ болалар шундай касаллик билан рўйхатга олинган. Бу касалликнинг олдини олиш, эрта аниқлаш ва бемор болаларни дарддан фориғ этиш замонавий тиббиётнинг муҳим вазифасидир.

Бугун юртимизда болалар кардиохирургияси жадаллик билан ривожланмоқда. Дунёнинг илғор мамлакатларида қўлланилаётган энг ноёб диагностика ва даволаш технологиялари бизда ҳам мавжуд. Масалан, Республика ихтисослаштирилган хирургия илмий-амалий тиббиёт маркази кардиохирургия бўлимида болаларда учрайдиган туғма юрак нуқсонларини даволаш учун эллик ўринли алоҳида бўлим мавжуд. Бу ерда йилига саккиз юздан кўпроқ бемор болаларда юқори технологияли операциялар ўтказилади ва дарддан тўлиқ фориғ этилади. Диагностика ва даволаш жараёнида компьютер томография, магнит резонанс томография, рақамли рентген аппарати, ультратовуш таҳлил аппарати каби замонавий технологиялардан самарали фойдаланилади.

Шунингдек, ушбу йўналишдаги юқори технологияли операциялар Тошкент педиатрия тиббиёт институти клиникаси, Наманган, Андижон, Фарғона, Хоразм, Қашқадарё, Самарқанд каби қатор вилоятлардаги тиббиёт муассасаларида ҳам йўлга қўйилган. Яқин келажакда бошқа вилоятлардаги тиббиёт муассасаларида ҳам кардиожарроҳлик бўлимларини очиш режалаштириляпти.

Соғлиқни сақлаш вазири шу куни Республика ихтисослаштирилган онкология ва тиббий радиология илмий-амалий тиббиёт марказига ҳам ташриф буюрди.

Онкологик касалликлар жаҳонда нафақат катта ёшдаги аҳоли, балки болалар саломатлигига ҳам жиддий таъсир этаётган муаммолардан биридир. Жаҳон соғлиқни сақлаш ташкилотининг маълумотига кўра, йилига 400 минг нафарга яқин болалар хавфли ўсма касаллиги билан рўйхатга олинади. Ўзбекистонда ҳам йилига 900 нафарга яқин болаларда хавфли ўсма аниқланади. 4000 нафардан кўпроқ бола ҳисобда туради.

Бугун Ўзбекистонда болалар онкологияси дунёнинг тиббиёти энг ривожланган мамлакатлари билан тенгма-тенг ривожланмоқда. Бунда Республика ихтисослаштирилган онкология ва тиббий радиология илмий-амалий тиббиёт маркази ва филиалларининг фаолияти муҳим ўрин тутади. Хусусан, бу ерда касалликка аниқ, тез ташхис қўйиш имкониятлари жуда юқори. Бу борада ўсма маркерлари билан ишлаш, иммуногистохимик таҳлиллар замонавий стандартлар асосида ўтказилади. Бундан ташқари, МСКТ, МРТ, ПЭТ, рақамли рентген, допплер каби замонавий тиббий технологиялар тиббиёт амалиётига чуқур кириб келиши касалликка эрта босқичларда аниқ ташхис қўйиш имкониятини кенгайтирмоқда. Табиийки, саратон қанча эрта аниқланса, беморларнинг саломатлигини асраш имконияти ҳам шунча юқори бўлади.

Болалар онкологиясида бугун бир қатор янги замонавий жарроҳлик амалиётлари ҳам самарали қўлланиляпти. Булар таянч ҳаракат тизими ўсмаларида суяк аутопластика операциялари, суяк кўчириб ўтказиш амалиётлари, йирик бўғимларни эндопротезлаш операциялари, буйрак, қорин парда ости соҳаси, кичик чаноқ бўшлиғи ўсмаларида ҳам янгича операция усуллари муваффақиятли қўлланиляпти. Албатта, тиббиётимизнинг бундай илғор ютуқлари беморлар соғлигини тиклашда муайян ютуқларга замин бўлмоқда.

Соғлиқни сақлаш вазири ўз ташрифи доирасида ушбу шифо муассасаларида болаларга замонавий тиббий ёрдам кўрсатиш борасида яратилган шароитлар билан танишди. Олимлар ва шифокорлар билан ушбу йўналишда тиббиётимиз олдида турган муҳим вазифалар ва уларни ҳал этишда тиббиёт илм-фанини ривожлантириш, халқаро ҳамкорликни кенгайтириш хусусида фикрлашилди.

Соғлиқни сақлаш вазирлиги Жамоатчилик билан алоқалар бўлими.

Дўстларингизга улашинг:

Бошқа хабарлар

“Doctors community cup – Tashkent-2019” халқаро турнири якунланди. Ўзбекистонлик шифокорлар МДҲда тенгсиз
Хабар берганимиздек,пойтахтимизда 25-30 март кунлари футбол бўйича шифокорлар ўртасида “Doctors community cup – Tashkent-2019” халқаро турнири ўтказилди.  Фото: UzA “Бунёдкор” футбол академиясига қарашли майдон қарийб бир ҳафта давомида ...
Тиббиёт тизимида коррупцион ҳолатларнинг сабаблари нимада?
Парламент қуйи палатасида Коррупцияга қарши курашиш ва суд-ҳуқуқ масалалари қўмитасининг ўрганиш натижалари муҳокамасига бағишланган йиғилиши бўлиб ўтди.  Олий Мажлис Қонунчилик палатасида Коррупцияга қарши курашиш ва суд-ҳуқуқ масалалари қўмитаси томонидан охирги икки ...
Болаларда фанатизм — бу психиатрияга оид касалликми?
Беҳзоджон РЎЗАЛИЕВ, Ўзбекистон халқаро Ислом академияси араб тили ўқитувчиси, диншунос: Ислом дини ота-онани ҳурмат қилишни энг юқори чўққига олиб чиққан диндир. Бунга биргина далил сифатида “Анкобут” сурасининг саккизинчи оятидаги “Оллоҳ Таоло ...
Афсун ва диний маросимлар орқали даволаш халқ табобати ҳисобланадими?
Халқ табобати усулларидан фойдаланган ҳолда тиббий фаолият кўрсатиш тартиби ва ҳажмлари тўғрисида низом Адлия вазирлигида давлат рўйхатидан ўтказилди. Бу ҳақда «Ҳуқуқий ахборот» канали хабар берди. Фото: Пикабу Низомга ...
Раъно Шодиева: Бизнинг халқимиз ногиронликни тўғри қабул қилмайди, бунга тайёр эмас
ЎзДЖТУ Халқаро журналистика факультети талабаси Хонзодабегим Аъзамова Ўзбекистонда хизмат кўрсатган артист Раъно Шодиева билан интервью уюштирди. Фото: Muloqot News Суҳбатдошим Раъно Шодиева эканлигини билганимда бироз ҳаяжонландим. Кўринишларидан жиддий, қаттиққўл туюлгани учун суҳбатимиз қандай кечаркан, «тил ...
Фарғоналик беморга жигар кўчириб ўтказиш операцияси муваффақиятли ўтказилди
Фото: Facebook Бугунги кунда академик В.Воҳидов номидаги Республика ихтисослаштирилган хирургия илмий-амалий тиббиёт марказида трансплантация жарроҳлиги каби мураккаб операциялар муваффақиятли ўтказилмоқда. Яқинда Ҳиндистоннинг Yashoda Hospitals шифохонаси мутахассислари билан ҳамкорликда ...
Акция: “Сиз тадбиркор учун нима қилдингиз?”
Ўзбекистон Республикаси Адлия вазирлиги ташаббуси билан жорий йилнинг 25 ноябридан 25 декабр кунига қадар мамлкатимизнинг барча ҳудудларида “Сиз тадбиркор учун нима қилдингиз?” акцияси ўтказилди. Вилоят соғлиқни сақлаш бошқармасининг лицензиялаш ва аккредитациялаш ...
Ва ниҳоят шифокорларнинг ҳимоячиси топилди
2017-2018 йиллар давомида тиббиёт ходимларига нисбатан қилинган 400 дан ортиқ тажовузлар қайд қилинган. Улардан фақат 40 тагина ҳолатда тиббиёт ходимлари ҳуқуқни муҳофаза қилувчи органларга мурожаат этишган. Таҳлиллар шуни кўрсатмоқдаки, амалдаги қонунчиликда фақат соғлиққа зарар ...
Энг яхши фармацевтларга «Олтин юлдузча» мукофоти топширилди
Олтин юлдузча мукофоти йилнинг энг яхши аптекаси, ишлаб чиқарувчиси, энг яхши иш берувчиси ва бошқа қатор номинациялар бўйича ўз эгаларига топширилди Тошкент шаҳридаги Фармацевтика институтида ўтказилган Ўзбекистондаги 1-фармацевтика анжуманида Ўзбекистон тарихида ...
Қандай ҳайдовчилар ҳар икки йилда бир маротаба тиббий кўрикдан ўтишлари шарт?
Хабарингиз бўлса, 2013 йил 11 июнда "Ҳайдовчи ва ҳайдовчиликка номзодларни транспорт воситаларини бошқаришга яроқлилигини текшириш учун тиббий кўрикдан ўтказиш тартиби тўғрисида"ги низом қабул қилинган. Низомга мувофиқ ҳайдовчилар ҳар икки йилда бир ...
103 ёшли бобо узоқ умр кўриш сирини айтди
Фарғона вилояти Бешариқ туманидаги Деҳқонтўда қишлоғида бир хонадон бор. Бу ерда Иккинчи жаҳон уруши қатнашчиси 103 ёшли Боратали ота Ҳакимов истиқомат қилади. Хонадон доимо отахон билан суҳбатлашиш ва дуосини олмоқчи ...
Ижтимоий тармоқлардаги танқидий чиқишга муносабат билдирилди
Ўзбекистон туман туғруқхона бўлимида барча шароитлар етарли, аёллар ва чақалоқлар махсус ўрин-жойларда ётиб даволанмоқда Фото: Фарғона вилоят соғлиқни сақлаш бошқармаси ахборот хизмати Куни кеча ижтимоий тармоқларда Фарғона вилоят ...
Ўзбекистонда “Digital Health Care” телетиббиёт лойиҳаси амалга оширилади
Корея Республикаси Президенти Мун Чжэ Ин пойтахтимиздаги Инҳа университетида бўлиб, Ўзбекистон – Корея ҳамкорлигида амалга оширилиши режалаштирилган телемедицина лойиҳаси тақдимоти билан танишди. Фото: uza.uz Президент Мун Чжэ Ин ...
Муборак Рамазон ойини муносиб тарзда ўтказиш тўғрисидаги Президент қарори қабул қилинди.
Қарор билан 2018 йил муборак Рамазон ойининг бошланиши 17 май кунига тўғри келиши ҳақидаги Ўзбекистон мусулмонлари идорасининг ахборотига мувофиқ: -мутасадди ташкилотларга жамоат ташкилотлари билан биргаликда Рамазон ойини азалий анъана ва қадриятларимиз ...
Хушхабар! Энди водийда газ ўчмайди
Андижон, Фарғона ва Наманган вилоятининг минглаб аҳолиси Янги йилни иссиққина уйларда кутиб олдилар. Фото: Корреспондент.net Очиғи, бир неча йилдан бери куз-қиш даврида, айниқса ҳаво совуқ кунларда табиий газ ...