Акция: “Сиз тадбиркор учун нима қилдингиз?”

Ўзбекистон Республикаси Адлия вазирлиги ташаббуси билан жорий йилнинг 25 ноябридан 25 декабр кунига қадар мамлкатимизнинг барча ҳудудларида “Сиз тадбиркор учун нима қилдингиз?” акцияси ўтказилди.

Вилоят соғлиқни сақлаш бошқармасининг лицензиялаш ва аккредитациялаш сектори ҳам мазкур акция доирасида бир қатор амалий тадбирларни ташкил қилди.

Жумладан, сектор мутахассислари томонидан Бешариқ ва Бувайда туманларида тадбиркорлар иштирокида учрашув ўтказилди.

Бош вазирнинг тадбиркорларнинг мурожаатларини кўриб чиқиш қабулхоналари ва туман тиббиёт бирлашмаси билан ҳамкорликда ўтказилган учрашувларда 60 нафардан зиёд нодавлат тиббиёт муассасалари раҳбарлари иштирок этишди.

Бешариқда ўтказилган тадбирда Бош вазирнинг Бешариқ туманидаги тадбиркорларнинг мурожаатларини кўриб чиқиш қабулхонаси мудири Ж.Бегматов, Фарғона вилояти соғлиқни сақлаш бошқармасининг лицензиялаш ва аккредитациялаш сектори мутахасислари  У.Абдураҳмонов ва Р.Шерматов, туман тиббиёт бирлашмаси бошлиғи Б.Қодировлар сўзга чиқишди.

Маърузачилар Ўзбекистон Республикаси Президентининг 2019 йил 14 майдаги “Тадбиркорлик фаолиятини қўллаб-қувватлаш ва ҳимоя қилиш тизимини тубдан такомиллаштириш чора-тадбирлари тўғрисида”ги ПФ-5718 Фармони мазмун-моҳияти, шунингдек, мамлакатимизда тадбиркорликни ривожлантириш борасида яратиб берилаётган шарт-шароит, имтиёз ва имкониятлар ҳақида гапирдилар.

Ҳар икки туманда ўтказилган учрашувда тадбиркорлар ўзларини қизиқтирган саволларга мутахассислардан батафсил жавоб олишди.

Фарғона вилояти Соғлиқни сақлаш бошқармаси ахборот хизмати

Янгиликларни Телеграм каналимизда кузатиб боринг: @fargonashifokori

Дўстларингизга улашинг