(18+) Жинсий алоқа етишмовчилигидан нафақат эркаклар, балки аёллар ҳам азият чекади

Европада ўтказилган сўровномага кўра 45-50 ёшга етмаган аёлларнинг 45% қисми регуляр жинсий ҳаётда яшайди. 30% аёлларда эса жинсий алоқа кам бўлади. Каттароқ ёш категорияларида табиийки бу рақамлар яна бошқача бўлади.

Фото: news.myseldon.com

Физиологик ҳолат, гормонал фон, руҳий ҳолатдан келиб чиқиб, аёл киши учун ҳафтасига икки мартадан беш мартагача жинсий алоқани мейёрий деб ҳисоблаш мумкин. Бундан келиб чиқадики аёлларнинг таҳминан 1/3 қисми учун жинсий ҳаёт сифатли эмас. Жинсий алоқа фақатгина лаззатланиш учун эмас, балки аёлнинг саломатлигида ҳам акс этади.

Тўғри, алоқа инфекция, исталмаган ҳомиладорлик каби ноқулайликларга эга. Лекин алоқанинг йўқлиги аёлнинг руҳий ва жисмоний ҳолатида акс этади. Бутунлай жинсий алоқанинг йўқлиги ҳатто ракка ҳам олиб келади.

Жинсий алоқа етишмаслигининг илк белгилари сифатида руҳиятдаги ўзгаришларни кўриш мумкин: бунда аёл таъсирчан, жирраки, йиғлоқи, ҳамма нарсадан ҳафа бўладиган бўлиб қолади. Вақт ўтгани сайин апатия ривожланиб, аёл атрофга бефарқ бўлиб қолади. Бу бефарқлик жинсий ҳаётда ҳам акс этади.

Аёлнинг ташқи кўриниши ҳам ўзгаради. Кам жинсий алоқа қиладиган аёллар одатда тана вазни юқори, тери ва сочлар кўриниши ўзгарган (нурсиз), соч тўкилиши каби белгилар бўлади. Бундай аёллар одатда тезроқ қарийди. Кулгу йўқлиги сабабли ажинлар эртароқ тушади.

Юқорида айтганимиздек жинсий алоқанинг камлиги ёки йўқлиги жинсий аъзоларда ҳам акс этади. Яъни бундай аёлларда бачадон миомаси, тухумдонлар ўсмаси каби касалликлар кўп учрайди. Статистикага кўра тухумдон раки энг кўп ҳолатда монах аёлларда учрайди.

Жинсий алоқа қайсидир маънода бачадон учун массаж ҳисобланиб, бачадонда қон айланиши яхшиланади ва қон кетиб қолиш эҳтимоли камаяди. Шунингдек узоқ вақт жинсий алоқа бўлмаслиги ҳайз олди синдромини оғир кўринишда ўтишига сабаб бўлади.

Жинсий алоқанинг йўқлиги ва жинсий алоқада оргазм ҳис қилмаслик кўринишидан икки ҳил бўлсада битта категориядаги ҳолатдир. Жинсий алоқада оргазмнинг йўқлиги аёл саломатлигига таъсир қилади. Оргазмсиз жинсий алоқани вақт ва энергияни бекорга сарфлашга тенглаш мумкин. Мастопатия, бачадон миомаси кабиларни келиб чиқишига ҳам айнан оргазм йўқлиги сабабчиларидан биридир.

Жинсий алоқа вақтида жинсий аъзоларга қон оқими ортади, энергия сарфланади ва организм ўз «совғасини олишга» тайёрланади. Алоқа якунида оргазм бўлса аёл кичик тосидаги қон оқими 5-10 дақиқа ичида ўз ҳолатига қайтади. Яъни димланиш йўқолади. Оргазмсиз алоқадан сўнг эса бундай тикланиш учун бир соатдан ортиқ вақт талаб этилади.

Кичик тосда узоқ вақт қон димланиши ва эстрогенлар миқдори ошиши бачадон ва сут безларида неопластик жараёнлар пайдо бўлишига имкон яратади. Натижада мастопатия ва миомага «эга бўламиз».

Аёлларнинг энг жинсий чанқоқлик даври 35-45 ёшга тўғри келади («хотин — қирққа кирса ўтин» эмас экан). У ўзини ёш ва чиройли ҳис этиши учун айнан шу даврда регуляр жинсий ҳаётда яшаши лозим. Олимларнинг фикрига кўра 35 ёш атрофидаги аёллар учун бир йил давомида жинсий алоқанинг бўлмаслиги асаб касалликлари учун замин яратади. Шу сабабли 30 ёшдан ошган аёл учун жинсий алоқа 20 ёшли «қизча»дан кўра зарурроқ.

Шундай экан, ҳурматли эркаклар аёлингизни соғлом, ёш ва чиройли бўлиши сизни қўлингизда.

Хуршидбек Якубжонов,

шифокор

Дўстларингизга улашинг: