“Трамадол” савдоси билан шуғулланганлар ушланди

Давлат хавфсизлик хизмати Фарғона вилояти бошқармаси ҳамда бошқа ҳуқуқ тартибот идоралари томонидан гиёҳвандлик воситаларининг ноқонуний айланмасига қарши кураш тадбирлари давомида айрим фуқароларнинг жинояти фош этилди.

Марғилон шаҳрилик, 1982 йилда туғилган А. Р.га нисбатан ўтказилган тезкор–қидирув тадбирларида унинг жиноий ҳаракатига чек қўйилди. У ҳаракатланаётган “Дамас” русумли автомашинадан 240 та қоғоз қутида 4 минг 800 дона “Трамадол Ланнахер 59 мг” ёзувли трамадол гиёҳвандлик воситасига ўхшаш таблетка конвалюталари борлиги аниқланган. Мазкур моддалар тегишли тартибда процессуал ҳужжатлар билан расмийлаштириб олинди.

Терговга қадар текширув давомида А.Р. мазкур моддани Қирғиз Республикаси фуқароси Б.А.дан Фарғона шаҳар деҳқон бозорида олганлигини билдирган бўлиб, унинг шериги ҳам қўлга олинди.

Қўқон шаҳрилик М..К.ни “Jentra” русумли автомашинасидан 768 кассетадаги 7680 дона “Трамадол Ланнахер 50 мг” номли дори воситалари далилий ашё сифатидан олинган.

Мазкур ҳолатлар юзасидан жиноят иши қўзғатилган бўлиб, дастлабки тергов-суриштирув ишлари олиб борилмоқда.

М. СУЛАЙМОНОВ,

журналист

Дўстларингизга улашинг: