Дилларда байрам шукуҳи: марғилонлик шифокорлар эътирофда

“Тиббиёт ходимлари куни” байрамини ҳар йили халқимиз чексиз ҳурмат эҳтиром ила қарши олади.

Дарҳақиқат, ширин сўзи, хушхулқи ила дардга дармон бўлгувчи шифокорларнинг меҳнатини ҳарқанча эъзозласак, эътироф этсак арзийди.

Марғилон шаҳридаги Эркин Воҳидов номидаги Ижодкорлар мактабида бўлиб ўтган тантанали байрам тадбирида ҳам соҳа ходимлари шарафи яна бир бора юксакларга кўтарилди.

Тадбирни табрик сўзи билан очиб берган шаҳар ҳокими Мирзоҳид Убайдуллаев  сўнгги йилларда мамлакатимизда соғлиқни сақлаш соҳасида рўй берган улкан янгиланишлар  ҳақида тўхталиб ўтди.

Тадбир давомида элимиз ардоғидаги устоз санъаткорлар, Ўзбекистон халқ ҳофизи Илҳом Иброҳимов, Нуриддин Асқаров ҳамда шаҳримиздаги 8-сонли болалар мусиқа ва санъат мактабининг соҳирнафас ёш хонандалари ижросида баралла жаранг сочган дилтортар наволар тараннуми йиғилганларга чинакам байрам кайфиятини улашди.

Байрам тадбири якунида соҳада узоқ йиллардан буён самарали фаолият кўрсатиб келаётган чинакам фидоий инсонлар ҳамда бир қатор тиббиёт ходимлари шаҳар ҳокимлигининг фахрий ёрлиқ ҳамда эсдалик совғалари билан тақдирландилар.

Абдубанноб Мансуров,

журналист

Дўстларингизга улашинг: