Орден ва медаллар муборак, фарғоналик шифокорлар!

Тиббиёт ходимлари куни муносабати билан соҳа ходимларидан бир гуруҳини мукофотлаш тўғрисида Ўзбекистон Республикаси Президентининг фармони эълон қилинди.

Мамлакатимизда соғлиқни сақлаш тизимини халқаро андозалар асосида ривожлантириш, соҳага доир дастурлар ижросини муваффақиятли амалга ошириш борасидаги кўп йиллик самарали меҳнати, илғор хорижий тажриба ва замонавий даволаш усулларини амалиётга кенг татбиқ этиш, тиббий хизмат кўрсатиш сифатини ошириш, аҳоли саломатлигини ишончли муҳофаза қилиш, жамиятда соғлом турмуш тарзини мустаҳкамлаш ишларига қўшган муносиб ҳиссаси, ёшларни ватанпарварлик, миллий ва умуминсоний қадриятларга ҳурмат руҳида тарбиялаш, чуқур билим ва юқори малакага эга мутахассисларни тайёрлаш йўлидаги катта хизматлари ҳамда ижтимоий ҳаётдаги фаол иштироки учун

II-даражали «Соғлом авлод учун» ордени билан  Республика шошилинч тиббий ёрдам илмий марказининг Фарғона филиали шошилинч педиатрия бўлими мудири Ким  Клара,   «Дўстлик» ордени билан вилоят 2-сил касалликларига қарши курашиш диспансери фтизиатри Раиса Ширгазина, «Меҳнат шуҳрати» ордени билан Ёзёвон тумани тиббиёт бирлашмасининг реанимация бўлими мудири Хомитжон Саримсаков ҳамда «Шуҳрат» медали билан Сўх тумани тиббиёт бирлашмасининг реанимация бўлими ҳамшираси Гулшодхон Аминжоновалар мукофотланди.

Фармоннинг вилоятга тегишли қисми олинди

Дўстларингизга улашинг: