Бувайдада болалар реанимация бўлими иш бошлади

Юртимиз келажаги бўлган болаларни ҳар тарафлама соғлом бўлшилари учун барча имкониятлар ишга солинмоқда.

Яқинда Бувайда тумани тиббиёт бирлашмасида болалар реанимация бўлими биноси фойдаланишга топширилишига бағишланган тадбир бўлиб ўтди.

Маросимда сўз олган туман ҳокими ўринбосари, хотин-қизлар қўмитаси раиси Оляхон Асқарова, тиббиёт бирлашмаси бошлиғи Акмалжон Рустамов ҳамда меҳнат фахрийлари янги замонавий маскан болалар соғлиғини сақлашда жуда катта имконият эканлигини алоҳида таъкидладилар.

-Реанимация бўлимига 164 млн. сўмлик янги тиббий жиҳозлар ўрнатилди. Беморлар учун барча шароитлар яратилди. Малакали шифокор Баҳодиржон Маҳмудов, тажрибали ҳамширалар Маҳбубахон Олимова, Лолахон Раҳмоновалар эса ўз билим ва малакаларини ишга солмоқдалар,-дейди туман тиббиёт бирлашмаси касаба уюшма қўмитаси раиси Саидахон Абдуллаева.

Дўстларингизга улашинг: