Талабалар мустақилликни мадҳ этди

Бугун,  Тошкент тиббиёт академияси Фарғона филиалида мамлакатимиз мустақиллигининг 28 йиллигига бағишланган »Жонажон Ўзбекистон, мангу бўл омон!»  шиори остида тантанали маросим бўлиб ўтди. Бу ҳақда филиал ахборот хизмати хабар берди.

Тадбирда филиал директори Ғофиржон Султонов устоз-муаллимлар ва талаба-ёшларни мустақиллик байрами билан табриклаб, мамлакатимизда барча соҳаларда амалга оширилаётган шиддатли ислоҳотлар жараёнида олий таълимнинг сифат-самарадорлигини ошириш, мазкур соҳага татбиқ этилаётган янгиликлар ҳақида атрофлича тўхталди. Янги ўқув йили институт тарихида улкан ўзгаришлар йили бўлиши, айниқса, ривожланган хорижий таълим даргоҳлари билан ҳамкорликда улкан режалар амалга оширилиши таъкидлади.

Филиалнинг фахрли профессори, тиббиёт фанлари доктори Юсуф Нишонов ўз сўзида кейинги икки йил ичида таълим жабҳасида туб бурилиш ясалгани, бу борада ижобий ўзгаришлар яққол кўзга ташланаётганини қайд этди ва бундай имкониятлардан ёшларни оқилона фойдаланишга чақирди

Тадбир давомида факультет талабалари томонидан Мустаыилликни мадҳ этувчи чиқишлар намойиш этилди.

Дўстларингизга улашинг: