Фарғоналик қизалоққа мураккаб юрак операцияси бажарилди

-Қизимга операция қилдириш учун имкониятимиз йўқ эди. Мен ишламайман, турмуш ўртоғим кира қилиб пул топадилар. Даволаниш жараёнида шифокорлар бизга «Sen Yоlg’iz Emassan» Фондига мурожаат қилишимизни маслаҳат беришди. Бу Фонд қизимизни ҳаётини сақлаб қолишга ёрдам берди, – дея ҳикоя қилади Муштарийбонунинг ойиси.

Фото: “Sen Yolg’iz Emassan” Фонди

Муштарийбону Фарғона вилоятининг Ўзбекистон туманида истиқомат қилади. Қизалоқ оғир юрак нуқсони билан дунёга келган.

Лола Каримова-Тилляеванинг «Sen Yоlg’iz Emassan» Фонди ёрдами билан 2017 йилда Муштарийбону 4 ёшарлигида унга етакчи француз кардиожарроҳлари томонидан мураккаб юрак операцияси бажарилди.
Ҳозирда қизалоқ 6 ёшда. Китоб ўқиш, шеър ёдлаш ва жажжигина синглисини ўйнатиш унинг севимли машғулотларидан.

Фонднинг молиявий кўмаги билан 2015 йилдан бери франциялик кардиожарроҳлар томонидан ўзбекистонлик кам таъминланган оила фарзандлари ва Меҳрибонлик уйи тарбияланувчиларига 110 дан ортиқ мураккаб юрак операциялари бажарилди, улардан 20таси Франциянинг Нант шаҳридаги клиникада амалга оширилди.

Дўстларингизга улашинг: