Фарғонадаги минтақалараро цитогенетик лаборатория нимаси билан афзал?

Хабарингиз бор, янги йилнинг илк кунлари вилоят “Она ва бола скрининг“ марказида минтақалараро цитогенетик лаборатория ташкил этилиб, юқори технологик тиббиёт диагностика ускуналари билан жиҳозланган эди.
Фото: fsh.uz
Хўш, бу бошқа лабораториялардан нимаси билан фарқ қилади? Марказ раҳбари Манзура Салимова шундай дейди:
— Фарзанд ҳар томонлама соғлом бўлиб туғилиши, ота-она учун ҳам, жамият учун ҳам фақат қувонч келтиришига эришишимиз лозим. Бунинг учун марказимизда туғруққача бўлган даврда ҳомилада ривожланиш нуқсонини аниқлаш ва унинг олдини олиш тадбирларини ўтказиш (туғруққача ирсий касалликлар скрининги), ирсий ва туғма касаллик билан туғилганларга ва шундай фарзандлари бор оилаларга тиббий-генетик маслаҳат берилмоқда.
Фото: fsh.uz
Ўтган йилда марказимиз томонидан 28 минг 580 нафар ҳомиладор аёл иккиламчи скрининг текширувлардан ўтказилиб, 251 нафар ҳомиладор аёлларнинг ҳомиласида туғма нуқсонлар ривожланаётганлиги аниқланиб, ҳомилани тўхтатишга тавсия берилди.
Фото: fsh.uz
Ўтган йил ноябрь ойидан бошлаб, марказ болаларда цитогенетик тадқиқотларни татбиқ этиш ва ўтказиш учун рақамли микроскоп ва лаборатория ускуналари билан жиҳозланди. Бу эса Андижон, Наманган ва Фарғона вилоятларида хромосома синдромларига чалинган болаларни аниқлашни ошириш ва ташхис қўйиш имконини беради.