Юртимизда Инновацион соғлиқни сақлаш миллий палатаси ташкил этилди

“Ўзбекистон Республикасида соғлиқни сақлашни бошқаришнинг инновацион моделини жорий этиш чора-тадбирлари тўғрисида”ги Президент қарори қабул қилинди.

Фото: Scientific Route

Қарор билан Инновацион соғлиқни сақлаш миллий палатаси ташкил этилди, -деб хабар беради  «Ҳуқуқий ахборот» канали.

Халқаро стандартларга мос соғлиқни сақлаш инфратузилмасини яратишга, шу жумладан, тиббиёт ва фармацевтика ташкилотларини замонавий ускуналар ва илғор ахборот-коммуникация технологиялари билан жиҳозлаш Миллий палатанинг асосий вазифаларидан бири этиб белгиланди.

Шунингдек, Миллий палатанинг ҳудудий бўлинмалари ташкил этиладиган бўлди.

Қарорга мувофиқ 2021 йил 1 январдан шифокорлар ва провизорларнинг Миллий палатада рўйхатдан ўтмасдан фаолият юритиши тақиқланди.

Миллий палатанинг вазифаларини амалга ошириш учун Инновацион соғлиқни сақлашни қўллаб-қувватлаш жамғармаси ташкил этилди.

Бундан ташқари Миллий палата 2022 йил 1 январга қадар муддатда барча турдаги солиқлар ва давлат мақсадли жамғармаларига мажбурий ажратмалардан озод этилди.

Дўстларингизга улашинг: