Онкологик ва оғир хасталикка чалинган болалар учун ойлик нафақа тайинлаши мумкин

«Mening fikrim» оммавий мурожаатлар порталида  бир фуқаро “Онкологик ва оғир хасталикка чалинган 18 ёшга тўлмаган болалар учун давлат томонидан ойлик нафақа беришни ташкил қилиш” ҳақида фикр билдирган ва бунинг учун асосларини келтирган.

Унинг фикрича, бундай касалликларни даволаш учун анчагина маблағ талаб этилади. Инсонпарварлик нуқтаи назаридан олиб қараганда бу ҳолатда давлат томонидан қандайдир кўмак берилиши давлатга нисбатан янада ҳурмат ва ишончни мустаҳкамлайди. Моддий нафақанинг миқдори қанчалиги эмас, балки унинг мавжудлигининг ўзиёқ беморлар ва уларнинг яқинларига давлат ғамхўрлигини чуқур ифода этади. Бу борада нодавлат ташкилотларнинг фаоллигини ошириш ҳам зарур ва уларнинг хайрия ва ижтимоий лойиҳаларига давлат грантлари ажратиш ҳам ижобий натижа бериши мумкин.

Эслатиб ўтамиз. Ушбу мурожаатнома 10 минг овозни тўплаш керак. Шунда ушбу жамоавий мурожаат Ўзбекистон Олий Мажлиси томонидан белгиланган тартибга кўра 60 кун давомида кўриб чиқилади.

Дўстларингизга улашинг: