Тошкент тиббиёт академияси Фарғона филиалига ўқишга қабул қилиш учун ўзбек ва рус гуруҳлари учун жами 100 та қабул квотаси ажратилди

Мамлакатимизнинг соғлиқни сақлаш тизими истиқболи хусусида сўз кетганда, тиббиёт муассасаларида малакали тиббий кадрларни тарбиялаш, тиббий таълимнинг сифат ва самарадорлигини ошириш масаласи бирламчи вазифа сифатида баҳоланиши бежиз эмас.

Зеро, эртанги тиббиёт ривожи, халқимизнинг саломатлиги ва тиббий маданиятининг юксалиши соҳа ходимларининг билими, касбига садоқати ва масъулиятига бевосита боғлиқдир. Ўзининг 27 йиллик фаолияти мобайнида минглаб тиббиёт фидойиларини камолга етказган Тошкент тиббиёт академияси Фарғона филиали бугун айни вазифани шараф билан адо этаётир. Буни олийгоҳнинг доимий изланишдаги профессор-ўқитувчилари, замон талаблари асосида тиббиёт истиқболи сари интилаётган талаба-ёшлари мисолида яққол кўриш мумкин.

Тошкент тиббиёт академияси Фарғона филиали 1992 йилда Фарғона давлат университети қошидаги “Тиббиёт маркази” сифатида ташкил этилиб, Ўзбекистон Республикаси Вазирлар Маҳкамасининг 2005 йил   29 июлдаги қарорига мувофиқ, алоҳида олийгоҳ сифатида фаолият кўрсата бошлади. Бугунги кунда филиалда “Тиббий профилактика иши”, “Олий ҳамширалик иши” ва “Касб таълими” йўналишлари бўйича 467 нафар талабалар таҳсил олишади. Коммунал ва меҳнат гигиенаси, гигиена ва жамоат соғлигини сақлаш, эпидемиология, микробиология ва юқумли касалликлар, ҳамширалик иши назарияси ва амалиёти, ички касалликлар, жарроҳлик касалликлари ва патология асослари сингари мутахассислик кафедралари, шунингдек, 4 та фундаментал кафедраларда  100 нафардан зиёд профессор-ўқитувчилар фаолият кўрсатаётир. Уларнинг 9 нафарини фан доктори, профессорлар, 26 нафарини фан номзоди, доцентлар ташкил этади. Дарс машғулотлари 2 та замонавий ўқув биноси ҳамда филиалнинг амалиёт базаси ҳисобланган даволаш-профилактика  муассасалари, давлат санитария-эпидемиология марказларида ўзбек ва рус тилларида олиб борилади.

Олийгоҳнинг биофизика, биокимё, тиббий кимё ва микробиология ўқув лабораториялари, шунингдек, 31 мингтага яқин китоб фонди, интернет тармоғига уланган компьютерларга эга бўлган ахборот-ресурс маркази талабаларнинг назарий ва амалий билимларини мустаҳкамлаш баробарида, даргоҳда китобхонлик маданиятини юксалтириш ишларида айни  муддао бўлаётир.

Филиалнинг 200 ўринга мўлжалланган 3 қаватли талабалар турар жой биноси капитал таъмирдан чиқарилиб, замонавий услубда жиҳозланган. Шунингдек, спорт зали, волейбол ва футбол майдони ҳам талабалар ихтиёрида.

-Олий таълим муассасамизда таълим сифати ва самарадорлиги оширишга қаратилган халқаро ҳамкорлик борасидаги тажрибаларнинг йўлга қўйилганлиги алоҳида аҳамиятлидир, -дейди филиал директори, тиббиёт фанлари номзоди, доцент Ғофуржон Султонов. -Корея Республикасининг Асфан, Россия Федерациясининг Санкт-Петербург тиббиёт институтлари, Қозон федерал тиббиёт олийгоҳининг малакали профессорлари иштирокида ўтказилган имий-амалий анжуман, очиқ маъруза ва мастер-класслар талабаларнинг илғор тиббий билимларни эгаллашлари, хорижий мамлакатларнинг соғлиқни сақлаш тизимидаги тажрибаларни ўрганишлари учун катта кўмак бермоқда. Қолаверса, филиалимизда фидойилик билан меҳнат қилаётган Муҳаммаджон Қорабоев, Эркинжон Исоқов, Фозилжон Расулов, Бахтиёр Мирзаев, Муроджон Ботиров, Шаҳноза Норматова, Манзура Ашурова сингари профессор-ўқитувчиларнинг илмий салоҳияти талабаларимизга қўшқанот бўлмоқда.

Филиалнинг юксак таълим истиқболи сари интилаётган йигит-қизлари олийгоҳда ёшларнинг интеллектуал салоҳиятларини юксалтириш, уларнинг турли йўналишлардаги иқтидорини рўёбга чиқаришга қаратилган эзгу ишларнинг амалий натижаси кўрсатиб турибди. Ҳар йили филиалнинг “Настарин” талабалар театр-студияси республика олий ўқув юртлари ўртасида ўтказиладиган ёшлар фестивалларида нуфузли ўринларни эгаллаб қайтаётгани, айниқса, Ибн Сино номидаги Давлат стипендияси совриндорлари Наргиза Ўралова, Хван Олек, Эъзоза Абдураҳимова, Ўзбекистон Врачлар Ассосиацияси стипендияси соҳибаси Шаҳзода Абдулазизова, Ўзбекистон ёшлар иттифоқи стипендияси совриндорлари Элбек Олимов, Нурзод Холматов, Дилноза Ҳалилова сингари фаол ва изланувчан ёшлар сафи тобора  кенгайиб бораётгани фахрланишга арзигуликдир.

Тошкент тиббиёт академияси Фарғона филиалининг узоқ йиллик анъаналари борки, улар олийгоҳ ёшлари ўртасидаги ўзаро дўстлик, ҳамжиҳатлик ва ташаббускорлик фазилатларини юксалтириш билан бирга, ўзлари танлаган шарафли ва масъулиятли касбга бўлган муҳаббат ва садоқат, фидойилик туйғуларини мустаҳкамлашга хизмат қилади. “Талабаликка бағишлов” анъанавий тадбири бунинг ёрқин мисолидир. Олий ўқув юртига кирган ёшлар дастлабки ўқув йили бошида талабалик қасамёдини қабул қиладилар ва бу орқали эл соғлигини сақлашдек муқаддас бурчга муносиб бўлиш учун мукаммал билим олишга, ўқиб-изланишга ваъда берадилар.

Олийгоҳда ватанимиз тарихининг муҳим саналари, миллий байрамлар катта тантана сифатида нишонланади. Бир сўз билан айтганда, талабалар нафақат тиббиёт соҳасига чексиз ҳурмат, балки миллий-маънавий қадриятларимизга эҳтиром, халқимизнинг улуғвор ғояларига садоқат, амалга оширилаётган юксак ислоҳотларга дахлдорлик руҳида тарбия топаётирлар.

Ўзбекистон Республикаси Президентининг “2018/2019 ўқув йилида Ўзбекистон Республикасининг олий таълим муассасаларига ўқиш қабул қилиш тўғрисидаги” қарорига мувофиқ, жорий йил Тошкент тиббиёт академияси Фарғона филиалига ўқишга қабул қилиш учун бакалавриатнинг “Тиббий профилактика иши” ва “Олий ҳамширалик иши” таълим йўналишларининг ўзбек ва рус гуруҳлари учун жами 100 та қабул квотаси ажратилди. Бу эса филиалнинг малакали тиббий кадрларнинг тайёрлаш борасида эзгу иши бардавом эканлигини кўрсатади.

Олийгоҳнинг илмий-амалий салоҳияти, ундаги маънавий-маърифий муҳитни кузатар эканмиз, бағрида тиб илмининг султони Абу Али ибн Синонинг муносиб авлодлари камолга етаётганига, улар тиббиётимиз истиқболига салмоқли улушини қўша олишига бўлган умидимиз янада баландлади.

Дилнавоз ҚЎЛДОШЕВА

Дўстларингизга улашинг:

Бошқа хабарлар

ЖССТ Ўзбекистонда асбестдан фойдаланмасликка чақирди
Жаҳон соғлиқни сақлаш ташкилоти экспертлари дунёнинг барча мамлакатлари, шу жумладан, Ўзбекистон, Қозоғистон ва Туркманистонга мурожаат қилиб, асбестнинг барча турларини қазиб олиш, фойдаланиш, ишлаб чиқариш ва сотишни тўлиқ тақиқлашга чақирди, дея хабар ...
Ўзбекистонда қайси касалликлар туфайли энг кўп ўлим ҳолатлари қайд этилиши маълум бўлди
Ўзбекистонда касалланиш ва эрта ўлим ҳолатларининг асосий қисми юқумли бўлмаган касалликлар билан боғлиқ. Бу ҳақда Ўзбекистонда юқумли бўлмаган касалликлар профилактикаси, соғлом турмуш тарзини қўллаб-қувватлаш ва аҳолининг жисмоний фаоллиги даражасини 2019-2022 ...
Ҳаракат – бу ҳаёт эканлигини қачон англаб етамиз?
Аҳолининг кенг қатламини бадантарбия билан шуғулланишга, турли машқларни мунтазам бажаришга жалб қилиш учун яна қандай йўл тутиш керак? Жисмоний тарбия муҳимлигини кўрсатиш учун ҳаракат – бу ҳаёт эканлигини, ҳаракат қилмаган одам ...
Рўза тутишда шифокор-олимлар тавсиялари
Рамазони шарифдаги рўза ҳикматлари кўп. Рўза инсонни сабр-бардошли бўлишга одатлантиради ва иродасини мустаҳкамлайди. Натижада рўзадор киши  нафснинг хоҳишига қул бўлишдан қутулиб, унинг руҳи  жасадига ҳоким бўлади. Рўза инсонни жисмоний ва ...
Кимларга рўза тутиш тавсия этилмайди?
Саломатлигида муаммолари бор инсонларда рўза тутиш вақтида бир қатор саволлар туғилиш табиий. Олий тоифали шифокор, эндоскопист Холида Очилова бу борада ўз тавсиялари билан ўртоқлашади. Эҳтиёт чоралари. Қуйидаги рўзадорларда учрайдиган муаммоли ҳолатлар ва ...
Марҳабохон ғолиблар сафида
Пойтахтимизда “Ҳамшира-2018” республика кўрик-танловининг финал босқичи бўлиб ўтди. Тадбир Ўзбекистон Соғлиқни сақлаш вазирлиги, Соғлиқни сақлаш ходимлари Касаба уюшмаси республика кенгаши ва Ўзбекистон Ҳамширалар ассоциацияси ҳамкорликда ташкил этилди. Танловнинг финал босқичида ...
«Ақлли дўппи» яратилди. Уни кийган ҳайдовчи рулда ухлаб қолмайди (видео)
«Ёшлар» телеканалининг «Давр» информацион дастури ижодкорлари ёш ихтирочи, Тошкентдаги Инҳа университети талабаси Достон Мардиев ҳақида репортаж тайёрлади, деб ёзади xabar.uz Достон ўзининг бир қатор ихтиролари билан қатор танловларда совриндор бўлган. Унинг навбатдаги ихтироси ҳам ...
Шифокорларнинг ойлик маоши маълум қилинди
Молия вазирлиги бюджет ташкилотларида ишловчи ходимларнинг иш ҳақлари (базавий) тариф ставкаларидан, шунингдек, қонун ҳужжатларида назарда тутилган устамалар ва қўшимча тўловлар бўйича ўқитувчи, шифокор ёки бошқа бюджет ташкилотлари ходимларининг ойлик маоши ...
Ўзбекистонда носвой таъқиқланиши мумкин
«Mening fikrim» оммавий мурожаатлар портали қисқа вақт ичида таклифларга тўлиб, оммабоплиги ошиб бормоқда. Қуйида бир фуқаро Ўзбекистон ҳудудида носвойни таъқиқлаш фикрини билдирган ва бунинг учун асосларини келтирган, деб ёзади xabar.uz. Унинг фикрича, ...
Статистика: Ўзбекистонда энг кам ойлик шифокорларда
2018 йил январь-декабрь ойларида Ўзбекистон Республикасида энг юқори ўртача ойлик номинал ҳисобланган иш ҳақи банк соҳаси ходимларида қайд этилди, энг ками - соғлиқни сақлаш соҳасида. Бу ҳақда Давлат статистика қўмитаси ...
11 ёшли қиздан қонли тер чиқмоқда. Бу қандай касаллик?
Вьетнамда мактаб имтиҳонига тайёргарлик кўриш вақтида мактаб ўқувчиси қонли терга ботди. Бу ҳақда “The Daily Mail” хабарига таяниб, aniq.uz хабар беради. 11 ёшли қиздаги бундай белгилар биринчи марта эмас. Бу биринчи марта содир бўлганида шифокорлар унда тери инфекциясини аниқлагандилар, ...
Умр керакмасми? Ичинг ва чекинг!
“Шу ҳам тавсия бўлдию!” деяпсизми? Тўғри, кинояли сарлавҳа. Лекин зарар эканлигини била туриб, нафсини ичкилик ва тамакидан тия олмайдиганларга яна нима дейиш мумкин? Ўзига тўқроқ, чўнтаги қаппайганлар қимматроқ ароққа ёпишади, тамакининг ...
Фарғонада «Йилнинг энг фаол ёш шифокори” аниқланди
Вилоят касаба уюшмалари федерацияси кенгаши мажлислар залида “Йилнинг энг фаол ёш шифокори” кўрик-танловининг вилоят босқичи ўтказилди. Унда тиббиёт масканларида меҳнат қилаётган ва танловнинг қуйи босқичларида ғолибликни қўлга киритган ёш мутахассислар иштирок ...