«Бири тош бор дейди, бири эса йўқ. Кимга ишонай?»

«Агар сизга жарроҳлик амалиётини буюришса, ишонч ҳосил қилиш учун иккита мутахассисга кўриниш керак дейишади. Мен шундай қилдим. Биринчи УТТ натижалари менда тош борлигини кўрсатди, иккинчиси эса йўқлигини. Кимга ишониш керак?»

Асадулла ҚОДИРОВ, Фарғона шаҳри

— Бундай ҳолатда ишончли шифохонада учинчи бор УТТ текширувидан ўтишингиз керак бўлади. Бунга ҳазил деб қараш ярамайди. УТТ текшируви натижани тасдиқлаб бергач, ўзингиз ишонадиган шифокорга мурожаат қилинг. Ундан ультратовуш текшируви натижасини тушунтириб беришини сўранг. Соғлигингиз ҳолати ойдинлашгач, сизга ким нотўғри ахборот берганлиги ҳам аниқ бўлади.

Шундан сўнг, сизга нотўғри ташхис қўйган шифокорга нисбатан чора кўришлари учун шифохона маъмуриятига мурожаат қилишингиз мумкин.

Ёрқиной ТОШПЎЛАТОВА,

шифокор-терапевт

Манба: Шифо-инфо

Дўстларингизга улашинг: