Баракалла, офарин, Шуҳратжон!!

Фарғона вилояти Чимён қишлоғида яшовчи Шуҳратжонннинг матонати, қобилиятига таҳсинлар айтсак арзийди. Соғлом одам ҳам баъзи пайтда ўзида бундай чидам, ирода намоён этиши жуда қийин.

Жисмоний нуқсонга қарамай ҳаётда ўз ўрнини топиб, ўзининг қобилиятини юракдан ҳис қилган ҳолда, мактабда ўқувчиларга тасвирий санъат фанидан дарс бериб, уларга расм чизишнинг сир-асрорларини ўргатиб келаётган Шуҳратжонни кўриб фидойи, иродали ўзбек йигитларимиз борлигидан жудаям тўлқинландим. Барака топсин, Шуҳратжонга омад, оилавий бахт, фарзандларининг роҳатини-камолини кўрсин. Севимли канали ижодкорларига ҳам тасанно, шундай қобилиятли, матонатли юртдошларимиз билан таништиришда, ижодда чарчашмасин.

Шуҳратжон, «Жасорат»медали совриндори экан. Ўйлайман-ки, бундай инсонларга янаям кучли эътибор ва қўллаб- қувватлаш керак. Мана бизнинг ҳақиқий жасоратли, матонатли, иродали ўзбек йигитларимиз тимсоли! Баракалла, офарин, Шуҳратжон!!

Барно АЮПОВА

Дўстларингизга улашинг: